БИШКЕК, 3-апр. — Sputnik. Кыргызстандык көз боемочу Радислав Сафиндин видеосу Амстердамдагы Рейксмузеумдун (Rijksmuseum) 30 мыкты чыгармасынын катарына кирди. Бул тууралуу Сафиндин маалымат катчысы Каныкей Султанова билдирди.
Анын айтымында, тизмени түзүү үчүн 62 өлкөдөн келген 2 600 эмгек каралган.
"Европадагы эл көп кирген Рейксмузеум мыкты 30 чыгарманы аныктап, алардын катарына Сафиндин видеосу кирди", — деди Султанова.
Ал жакынкы күндөрү Сафин өз өнөрүн европалыктарга тартуулай турганын кошумчалады.
Голландиядагы Рейксмузеум Амстердам шаарында жайгашкан. Ал дүйнөдөгү эл көп кирген 20 музейдин катарында.
