Жаныбек Абидетегин: Апендини балдар үчүн башкача образда алып чыктык
Апендинин жаңы образын түзгөнгө аракет кылдык, ал эми арык да, семиз да эмес, бай да, кедей да эмес. Бул эмгек кичинекей балдарга арналды. Бул туурасында китептин түзүүчүсү Жаныбек Абидетегин Sputnik Кыргызстанга билдирди.
"Негизинен Апендини элибиз абдан сүйөт. Бирок балдар үчүн китеп болуп окулганы жокко эсе. Башка бир тууган элдерде да бул каарман Кожо Насреддин, Эфенди деген ысым менен кездешет. Анын ар бир жоругу жакшы сапатка тарбиялоо менен катар жалкоолук, калп айтуу, адепсиздик өңдүү терс жорук-жосундардан оолак болууга чакырат", — деди ал.
Түзүүчү бул сапар Апендинин образы башка болгонун айтып, эмгекти элдин таразасына койгондуктарын кошумчалады.
