Жанар Усенов: алгачкы жолу мэрдин кубогуна спорттук мелдеш өткөрүлөт
Бишкек шаарында алгачкы жолу мэрдин кубогуна эркин жана грек-рим күрөшү боюнча мелдеш өткөрүлөт. Бул тууралуу Sputnik Кыргызстан агенттигине шаардык спорт комитетинин маалымат катчысы Жанар Усенов билдирди.
Анын айтымында, спорттук иш-чара 30-мартта башталып, 2-апрелге чейин уланат.
"Алгачкы жолу мэрдин кубогуна ойнотулуп жаткан эркин жана грек-рим күрөш боюнча мелдешке өлкөнүн ар кайсы аймагынан жана чет өлкөдөн келген 13-14 жаштагы өспүрүм балдар катышат. Мелдеште 36 килограмм салмактан 100 кг салмакка чейинки балбандар күрөшөт", — деди Усенов.
Спорттук иш-чара "Арча-Бешик" жаңы конушундагы ден-соолукту чыңдоо комплексинде уюштурулмакчы.
