БИШКЕК, 29-мар. — Sputnik. Журналистикада гендердик теңсиздик жок деген оюн Sputnik эл аралык маалымат агенттиги жана радиосунун башкы редактору Маргарита Симоньян "Заманбап журналистикадагы гендердик маселелер" деген аталыштагы видео көпүрөдө билдирди.
Анын айтымында, аял киши жуналистикада ийгилик жаратып же жетекчилик кызматка жете албай калышы жеке өзүнөн көз каранды.
"Россияда ЖМКлар абдан көп, алардын бир нечесин аялдар жетектейт. Ал эми көпчүлүк аялдардын журналистикада мыкты карьера жасай албаганынын себеби ал аял экендигинен эмес. Бизде көпчүлүк аялдар кызматты эмес, үй-бүлөнү биринчи орунга коюшат. Өз мисалымдан айтсам, кабарчы кыздын эмгекчилдигин байкап, жаңы эле айлыгын көбөйтүп, башка кызматка көтөрөйүн деп атсаң, кош бойлуу экенин айтып, декретке чыгып кетишет. Мен муну жакшы же жаман деп айта албайм. Ар ким өз жолун өзү тандайт", — деди Симоньян.
Ошондой эле башкы редактор жеке өзү эч качан гендер көйгөйүнө кабылбаганын, бир дагы эркек жетекчи анын аял экендиги үчүн кызматтан көтөрбөй же дагы башка кысым көрсөтпөгөнүн кошумчалады.
