Долон багытындагы унаа жол убактылуу жабылды

© Sputnik / Михаил Воскресенский / Медиабанкка өтүүЖол белги. Архив
Жол белги. Архив - Sputnik Кыргызстан
Жазылуу
Кар көчкү атып түшүрүлгөн аймакта үч оор техника тазалоо иштерин аткарып, Кайгуул милициясы дагы иштеп жатат.

БИШКЕК, 29-мар. — Sputnik. Бишкек — Нарын — Торугарт унаа жолунда 22 миң куб метрден ашык кар түшүрүлдү. Бул тууралуу Нарын облустук ички иштер башкармалыгынан кабарлашты.

Кыргызстандагы табигый кырсыктар каттала турган кооптуу аймактар. Карта - Sputnik Кыргызстан
Табигый кырсыктар каттала турган кооптуу жерлер
Маалыматка ылайык, Бишкек — Нарын — Торугарт унаа жолунун 282-чакырымында Өзгөчө кырдаалдар министрлигинин кызматкерлери 22 500 куб метр кар көчкүнү атып түшүрүшкөн. Буга байланыштуу аталган унаа жолу 5-6 саатка жабылып, үч оор техника тазалоо иштерин аткарып жатат.

Нарын ОИИБдин Кайгуул милиция бөлүмүнүн жетекчисинин орун басары Тилек Оторовдун айтымында, көчкү түшүрүлгөн жолду эки тарабын милиция кызматкерлери тосуп турат.

"282-чакырым — Бишкектен Нарынга баратканда Долон ашуусунан түшкөндөн кийинки Кара-Үңкүр капчыгайы болуп калат. Эки жагына пост коюлуп, биздин кызматкерлер иштеп жатат", — деди Оторов.

Буга байланыштуу жүргүнчүлөр менен айдоочуларды аталган каттамда жүрүүнү токтото турууну адистер эскертет.

Жаңылыктар түрмөгү
0