БИШКЕК, 27-мар. — Sputnik. АКШнын президенти Дональд Трамп өзүнүн күйөө баласын Ак үйдүн жаңы бөлүмүнүн башчысы кылып дайындайт. Бул тууралуу РИА Новости агенттиги Washington Post басылмасына шилтеме берүү менен жазып чыкты.
Маалыматка караганда, жаңы бөлүм бир топ өзгөчө укуктарга ээ болуп, түздөн-түз Трампка баш иет. Жаңы бөлүм федералдык бюрократиялык системаны тыкыр көзөмөлдөп, Трамптын шайлоо учурунда берген убадаларынын аткарылышын көзөмөлдөйт.
"Өкмөттүн айрым аракеттери биздин жакшы иштешибизге тосколдук жаратып келет", — деди Трамп.
36 жаштагы Жаред Кушнер Трамптын кызы Иванка Трамптын күйөөсү. Учурда ал Дональд Трамптын кеңешчиси болуп да иштейт.
