БИШКЕК, 25-мар. — Sputnik. Бишкек шаарынын күнүнө жана Жеңиш майрамына карата "Ала-Тоо" аянты, Чүй проспектиси жана мэриянын алдындагы фонтан кооздолгондугун муниципалитеттин маалымат кызматынан билдиришти.
"Бишкекжарык" ишканасы борбордук аянттагы бардык чакан архитектуралык формалардын өзгөчөлүгүн эске алуу менен укмуштуудай жарык берүү композициясын иштеп чыкты.
Аянттын дал ортосунда гүл талаасы жайгашты, анын тегерегиндеги кичи фонтандардын үстүнө кызыл китепке кирген жаныбарлардын фигуралары коюлду.
"Ошондой эле аянтка арча отургузулган вазондор коюлду. Ал эми Чүй проспектиси түркүн-түстүү жарык берүүчү кажараттар менен кооздолду. Алардын өңүн шаар күнү жана Жеңиш майрамына карата ар кандай кылып өзгөртүп койсо болот", — деп айтылат билдирүүдө.
Мэриянын алдындагы фонтан дюралайт менен кооздолду.
Дюралайт — бул жарык менен кайталангыс композиция жаратуучу каражат.
