БИШКЕК, 19-мар. — Sputnik. Абдылас Малдыбаев атындагы кыргыз улуттук академиялык опера жана балет театрында "Айчүрөк" спектакли коюлат. Бул тууралуу аталган мекеменин маалымат кызматы кабарлады.
Билдирүүгө караганда, спектакль эки күн, 19-мартта жана 25-мартта көрүүчүлөргө тартууланат.
"Манас" эпосунун негизинде алынган опера эркиндик, эгемендүүлүк үчүн күрөштү жана кыргыз элинин биримдигин чагылдырат. Спектаклде Чыңкожо жана Толтой Акун ханга кол салып, Айчүрөктү алып кетүүгө аракет кылат", — деп жазылат маалыматта.
Опера эл тарабынан бааланып, кыргыз искусствосунун "алтын фондусуна" киргизилген.
