БИШКЕК, 19-мар. — Sputnik. Боом капчыгайында таш кулады деп билдирди ӨКМдин маалымат кызматы.
Окуя болгон жерге №32 Жол тейлөө ишканасынын кызматкерлери жөнөп кетти. Ал эми кулаган таш менен шагылдарды тазалоо Транспорт министрлигинин милдетине кирет.
Эгерде ведомствонун кошумча жардамы зарыл болсо, ал жерге барууга даяр турат. Буга чейин бир катар жалпыга маалымдоо каражаттары окуяга күбө болгондорго таянып, капчыгайдан кулаган таш бир нече автоунаанын үстүнө түшкөндүгүн жазган. Ал эми ӨКМ бул маалыматты четке какты.
