БИШКЕК, 19-Мар. — Sputnik. Жыл башынан бери Улуттук банктын алтын запасынын наркы 1 миллиард 514 миллион сомго жогорулады. Бул тууралуу аталган мекеменин сайтында маалымдалды.
Кыргызстандын эл аралык валюта резерви ондон ашуун өлкөнүн валютасынан жана алтындан турат. Резерв эл аралык эсеп-кысап жана төлөмдөр, төлөм балансынын таңкыстыгын жоюу жана улуттук валютанын курсун турукташтыруу үчүн пайдаланылат.
1-январга карата алтындын запасы 11 миллиард 810 миллион сомго чейин жетсе, 1-мартка карата 13 миллиард 324 миллион сом болду. Ошентип өткөн жылга салыштырмалуу алтындын запасы 1 миллиард 514 миллион сомго өстү.
Нью-Йорк биржасынын маалыматы боюнча, алтындын бир унциясы 1 151 долларды түздү. Бирок буга карабастан америкалык валюта 69,23 сом чегинде бааланууда.
