Жанар Акаев: сейрек кездешчү жаныбарлар азайып кетти
Сейрек кездешчү жаныбарлар азайып кетти. Бул тууралуу Sputnik Кыргызстан агенттигине депутат Жанар Акаев билдирди.
Анын айтымында, учурда 2025-жылга чейин аңчылыкка мораторий киргизүү демилгеленүүдө.
"Буга чейин 2030-жылга дейре аңчылыкка тыюу салуу демилгесин көтөргөнбүз. Өкмөттөн колдоо таппай, артка кайтарылды эле. Эми өзгөртүүлөр киргизилип, 2025-жылга чейин чектөө киргизүүнү сунуштап жатабыз", — деди депутат.
Эл өкүлү өтө сейрек кездешкен жаныбарлар кыска убакытта азайып кеткенин кошумчалап, мыйзам долбоору кабыл алынса жакшы жыйынтык болорун кошумчалады.
