БИШКЕК, 15-мар. — Sputnik. Ош шаары 2020-жылга чейин газ менен камсыз болот. Бул тууралуу мэр Айтмамат Кадырбаевдин "Газпром Кыргызстан" ишканасынын Оштогу филиалына болгон сапарында белгилүү болду.
"Ошгаз" ишканасынын кызматкерлери шаар жетекчисине акыркы эки жылдагы жетишкендиктери тууралуу айтып, алдыдагы пландар менен дагы бөлүшүштү.
"Ошгаз" ишканасы түштүк борбор газ менен 2020-жылы толук камсыз болуп каларын белгиледи. 2016-жылы компания 61 334 абонентти көгүлтүр оттуу кылган. Ошондой эле эки жыл ичинде 16,5 чакырым магистралдык газ түтүктөрүн сырдоого жетишкен", — деп айтылат билдирүүдө.
Мындан тышкары, 12 объектиге узундугу 12,6 чакырымга жеткен коопстуу түтүктөр алмаштырылган.
Ош шаарындагы газ түтүктөрүнүн жалпы узундугу 771,3 чакырымга жетет.
