Сүйүнбек Сырдыбаев: дары-дармектер өтө чоң бизнеске айланды
Дары-дармектер өтө чоң бизнеске айланды. Бул тууралуу Sputnik Кыргызстан агенттигине дары-дармектерди жөнгө салган мыйзам долбоорун иштеп чыккан топтун жетекчиси Сүйүнбек Сырдыбаев билдирди.
Саламаттык сактоо министрлиги тарабынан дары-дармектерди жөнгө салган мыйзам долбоорлору иштелип чыгып, ЖКнын тармактык комитетинде каралды. Демилгеге ылайык, өлкөгө кирген ар бир дары каттоого алынып, көзөмөлдө болот.
"Учурда дары-дармектердин баасын көзөмөлдөгөн эч ким жок. Негизи мыйзам боюнча көзөмөлгө алынышы керек. Бирок иш жүзүндө андай болбой жатат. Эгерде мыйзам долбоору ишке ашса дары-дармектердин баасы көзөмөлгө алынат", — деди Сырдыбаев.
Ал учурда дары-дармек жааты чоң бизнеске айланып кеткенин кошумчалады.
