БИШКЕК, 13-мар. — Sputnik. Топтолгон элди тебелеп кеткен автобустан каза болгондордун саны 38ге жетти. Бул туурасында РИА Новости Рейтер агенттигине шилтеме кылып билдирди.
Буга чейинки маалыматтарда 34 киши мерт кетип, 15и жаракат алгандыгы кабарланган. Окуя жекшемби күнү Гаитинин түндүгүндөгү шаарлардын бири Гонаивде болгон. Алгач, автобус эки кишини тебелеп кетип, анын бирөө каза тапкан. Бул кырсыктан кийин из жашырам деп качкан айдоочу чогуусу менен турган музыканттардын тобуна кирип кеткен.
Агенттиктин билдиргенине караганда, ал жерден 34 киши мерт кетип, дагы төртөө ооруканада көз жумду.
"Адатта мындай кырсыкка кабылган айдоочулар жазалоодон корккондуктан, токтобой кетип калганга аракет кылат", — деп билдирди жергиликтүү бийликтин өкүлү Фред Генри.
Кырсык болгон жерге куткаруучулар келген, андан сырткары, тартип сактоочулар жаалданган элди токтотууга аракет кылган. Жабырлангандардын кай бирлери автобусту ичиндеги жүргүнчүлөрү менен кошуп өрттөп жиберүүгө аракет кылган.
