БИШКЕК, 7-мар. — Sputnik. Кыргызстандык аялдын 16 жаштагы кызы менен үч айдан бери Москванын Шереметьево аэропортунда жашап келгенин Кыргызстандын Россиядагы элчилиги тастыктады.
28 Бирдин айы 2017, 17:28
Кечээ, 6-март күнү, элчиликтин кызматкери 52 жаштагы аял менен жолуккан. Сүйлөшүү учурунда аялдын Москвага акчасын алдап алып кеткен кишини издөөгө келгени белгилүү болгон. Аялдын айтымында, Далер аттуу киши Оштон банк картасынан алдоо жолу менен 132 миң рублин алып кеткен.
Бул боюнча жабырлануучу 2016-жылдын 26-августунда укук коргоо органдарына кайрылган.
"Милициядан эч кандай жооп болбогондон кийин аял ууруну өз алдынча издөө үчүн Москвага келген", — дешти элчиликтен.
Кыргызстандык аял былтыр 6-сентябрь күнү Москванын Кунцево райондор аралык прокуратурасына кайрылган.
Элчилик жабырлануучуга кеп-кеңеш берип, жакындары менен байланышты. Жакын арада аялдын тууганы келери белгилүү болду.
