"Миң кыял" коомдук фондунун координатору Дөөлөт Рысбаевдин айтымында, "Кыздын кийими" сынагы Кыргызстанда биринчи ирет уюштурулуп жатат.
"Анын катышуучулары 7 жаштан 13 жашка чейинки кыздардын кийимдерин тигишет. Сынактын шарты боюнча колдонулган кездемелерде синтетика аралашпашы керек. Ошондой эле кийим тигүү техникасы XIX кылымдын аягы XX кылымдын башындагы ыкмаларга дал келүүсү зарыл", — деди Рысбаев.
Ал эми "Кийиз дүйнө — көчмөн руху" долбоорунун жетекчиси Айдай Асангулова сынактын негизги максаты кыргыз улуттук кийимдерин жайылтуу экенин белгиледи.
