Жамин Акималиев: президент өз ордуна кимдин келерин аныктады окшойт
Президент өз ордуна ким келерин аныктады. Бул тууралуу Sputnik Кыргызстан агенттигине легендарлуу парламенттин депутаты, коомдук ишмер Жамин Акималиев билдирди.
Белгилей кетсек, 1-март күнү Сапар Исаков Атамбаевдин жарлыгы менен президенттик аппараттын жетекчиси болуп дайындалган.
"Менин оюмча Сапар Исаковдун жаңы кызматка дайындалышы президент өз ордуна киши даярдап жатканынан кабар берет. Анткени буга чейин эле Исаковду оң колум деп тааныштырып келген. Ошондуктан КСДПнын атынан Сапар Исаковдун талапкерлигин алып чыгышы мүмкүн", — деди Акималиев.
Серепчи президенттик шайлоого 9 ай калганын айтып, бул убакытта Исаков элге бир топ таанылып каларын кошумчалады.
