Уз Орозалиева: "Кыздын кийими" сынагында зер буюмдардын тагылышына көңүл бурулат
"Кыздын кийими" конкурсунда зер буюмдарынын туура тагылышына көңүл бурулат. Бул тууралуу Sputnik Кыргызстан агенттигине салттуу билимди алып жүрүүчү, "Кыздын кийими" сынагынын калысы Букадича Орозалиева билдирди.
"Конкурста кийимдин, мончоктордун, жасалгалардын маңызына, туура тагылышына көңүл бурабыз. Мындан сырткары, кездемеге, анын тигилишине көңүл бурулат. Эгерде сандыкта катылган илгерки кийимдер болсо андан жакшы", — деди Орозалиева.
Сынактын шартына ылайык, ар бир катышуучу 7 жаштан 13 жашка чейинки бир кыздын башынан аягына чейинки кийимин тигип, калыстар сынына коюшу керек.
Ал сынакка 40тан ашуун студент катышып жатканын кошумчалады.
