БИШКЕК, 2-мар. — Sputnik. Түркиянын Анталья шаарында өзүнүн сүйгөнүн өтүрдү деген шек менен кыргыз жараны кармалды. Бул тууралуу Түркиянын Hurriyet басылмасы жазды.
Маалыматка ылайык, окуя туристтер көп болгон Манавгат районунда болгон. Достору менен чогуу отурган 34 жаштагы Айгүл аттуу аял жигити менен урушуп кеткен. Жаңжыл отуруштан кийин дагы уланып, ачуусу келген аял 34 жаштагы Салим Саракайды үч жолу бычак менен сайып салган. Өпкө жана жүрөк жагынан бычак жеген эркек кырсык болгон жерде көз жумган.
Учурда аталган окуя боюнча тергөө иштери жүргүзүлүүдө.
Ал эми Кыргызстандын Стамбул шаарындагы Башкы консулдугу аталган маалыматты тактап жатканын Тышкы иштер министрлиги билдирди.
