БИШКЕК, 28-фев. — Sputnik. Кыргызстандык балбандар эркин күрөш боюнча Түркияда өтө турган эл аралык турнирге катышат. Бул тууралуу Жаштар иши, дене тарбия жана спорт мамлекеттик агенттиги билдирди.
Маалыматка ылайык, өлкөнүн эркин күрөш боюнча курама командасы Стамбул шаарында 25-февралдан 8-мартка чейин машыгууларын улантат. Андан соң алар 10-марттан 12-мартка чейин өтөт турган Yaşar Doğu эл аралык турниринде күч сынашат.
Ага түрдүү салмактагы кыргызстандык сегиз балбан катышат. Алардын машыгууларын өткөрүү жана мелдешке катыштыруу үчүн Спорттун олимпиадалык түрлөрү боюнча дирекциясы 1 миллион 245 миң сом бөлгөн.
