БИШКЕК, 27-фев. — Sputnik. Ананьеводогу ооруканадагы факты боюнча атайын комиссия иштеп жаткандыгын Sputnik Кыргызстан агенттигине Саламаттык сактоо министрлигинен кабарлашты.
16-январда Ысык-Көл облусуна караштуу Ананьево айылындагы ооруканага жергиликтүү тургун Асел Сантасова жолдошу менен келген. Сантасованын айтымында, ал дарыгерлерге ичиндеги түйүлдүгү чоң (5,5 килограмм, бою 60 сантиметр) экендигин айтып, операция жасоо керектигин, мындан улам Чолпон-Ата шаардык ооруканасына жөнөтүүнү суранган. Бирок дарыгерлер төрт баланы төрөгөн адам бешинчисин дагы өзү төрөйт деп келиндин төрөтүн кабыл алууга даярдык көрүшкөн.
Чолпон-Атадагы дарыгерлер операция жасап баланын денесин алып чыгышкан. Ал эми өлкөнүн башкы гинекологу Раиса Асылбашева бул факты боюнча комиссия иштеп жатканын билдирди.
"Учурда иликтөө иштери жүрүп жатат. Эгер анын жыйынтыктары дарыгер күнөөлүү экенин көрсөтсө иш прокуратурага өтөт. Чарчап калган ымыркайдын энесине көңүл айтабыз", — деди Асылбашева.
Өлкөнүн башкы гинекологу Асел Сантасованын абалы туруктуу экенин кошумчалады.
