Роза Отунбаева оппозицияны бириктириши мүмкүн. Бул тууралуу Sputnik Кыргызстан агенттигине саясий серепчи Марс Сариев билдирди.
"Роза Отунбаеванын экс-президент катары аброю жакшы. Аны көп эл жана саясатчылар ээрчийт. Мындан сырткары, Кыргызстанда жарандык коом күчтүү. Алар дагы кошулушу мүмкүн. Учурдагы абалды эс алуу менен саясий күчтөр диалогго барышы керек деп эсептейм", — деди Сариев.
Серепчи айрым саясатчылар кырдаалга сырттан көз салып турганын кошумчалады.
"Учурда айрым саясатчылар сырттан гана карап, күч кайсыл тарапка оой тургандыгын байкап турат. Путиндин келиши күтүлүүдө. Алар Атамбаев Путинден колдоо алып калышы мүмкүн деп күтүп жатышат", — деди ал.
Сариев оппозиция бириксе сап башына Роза Отунбаева турушу мүмкүн экенин кошумчалады.
