БИШКЕК, 27-фев. — Sputnik. Грецияда ири жол кырсыгы катталып төрт адам набыт болду. Алардын арасында мультимиллионердин баласы дагы бар экенин РИА Новости жергиликтүү ЖМКларга таянуу менен жазып чыкты.
Жол кырсык кечээ күнү Афинадагы Ламия автомагистралында катталган. Porsche үлгүсүндөгү унаада Jumbo супермаркеттер ээсинин баласы Апостолос Вакакис Йоргос досу менен болгон.
Ири жол кырсыктан унаа ичинде отурган 33 жаштагы аял үч жаштагы баласы менен каза болгон. Ал эми Porsche унаасынын ичиндегилердин бири күйүп кетсе, экинчиси алдыңкы айнектен учуп кетип көз жумган.
Аталган автомагистраль менен эреже боюнча саатына 120 чакырым ылдамдыкта жүрүүгө уруксат берилген. Бирок ЖМКлар болсо унаа болуп көрбөгөндөй ылдамдык менен баратканын жазып чыгышты.
Йоргос Вакакис каникул учуру болгондуктан бир нече күн мурун АКШдан Грецияга келген. Ал досу экөө Дельфы шаарына жөнөп бараткан. Йоргос Вакакис атасынын мураскери болгон. Анын Jumbo деген 80 ири дүкөнү бар. Алардын 52си Грецияда жайгашкан. 2015-жылы корпорациянын кирешеси 782 миллион еврого жеткен.
