БИШКЕК, 23-фев. — Sputnik. Адеп, ыйман жана маданият жылына арналган логотипти иштеп чыгууга сынак жарыяланганын Маданият, маалымат жана туризм министрлиги билдирди.
Президент Алмазбек Атамбаевдин жарлыгы менен 2017-жылы Адеп, ыйман жана маданият жылы деп жарыяланган.
"Сынактын байге фондусу 50 миң сомду түзөт. Министрлик тарабынан комиссия түзүлүп, ал бардык талаптарга жооп берген эн белгини тандап алат", — деп айтылат билдирүүдө.
Конкурс тууралуу кененирээк маалыматты министрликтин сайтынан алууга болот.
