БИШКЕК, 21-фев. — Sputnik. Кыргызстандык спортчу Абдурахманхаджи Муртазалиев жиу-житсу боюнча АКШда өткөн эл аралык мелдеште эки медаль утуп алды. Бул тууралуу анын бир тууганы Муртазали Муртазалиев Sputnik Кыргызстан агенттигине билдирди.
14 Бирдин айы 2017, 17:58
Эл аралык New York National Pro турнири дем алыш күндөрү Нью-Йорк шаарында өткөн. Кыргызстандык спортчу 85 килограмм салмакка чейинки категорияда күч сынашкан.
Муртазалиев турнирдин жалпы жыйынтыгы боюнча үчүнчү орунга татып, мелдештин абсолюттук салмак категориясында күч сынашууга укук алып, ал жактан алтынга ээ болгон. Ошентип ал дүйнөлүк чемпионатка чыгууга жолдомо утту.
Абдурахманхаджи Муртазалиев спорттун эл аралык классындагы чебери, дүйнөнүн эки жолку чемпиону. Андан сырткары, Азия менен Европанын жеңүүчүсү аталган.
