БИШКЕК, 20-фев. — Sputnik. Улуу Британияда талаага ташталган миңге чукул жөжөнү аман сактап калышты. Бул туурасында РИА Новости Daily Mail агенттигине шилтеме берип кабарлады.
Алгач тааланын чок ортосунда жаткан балапандарды Питерборо шаарына жакын жайгашкан Кембриджширдеги жашоочулар көрүшкөн. Ал жерге барган жаныбарларды коргоо коомунун (RSPCA) инспекторлору, "жөжөлөр талаада "сары деңиз" сыяктуу жайылып, алардын чыйпылдаган үнү жүрөктүн үшүн алат" деп айткан. Куткаруучулар барганга чейин балапандардын бир нечеси өлүп калган, бирок көпчүлүгүн сактап калууга мүмкүн болгон.
1,000 young chicks found abandoned in a field in 'unbelievable' act of cruelty https://t.co/TJ3FC42hmy pic.twitter.com/Wm4iWBxJ0t
— Daily Mail U.K. (@DailyMailUK) 18 февраля 2017 г.
Аман калган жөжөлөрдү жергиликтүү тоок фабрикалардын бирине алып келишкен. Ал эми балапандарды ким таштап кеткени аныктала электиги айтылат.
