БИШКЕК, 20-фев. — Sputnik. Ажылык сапарга баруу үчүн документтерин толук түрдө тапшырып электрондук кезекке тургандардын саны 1605ден ашканын муфтияттан кабарлашты.
Учурда каттоо иши өлкө аймагындагы 32 пунктта жүргүзүлүп жатат.
"Ажыга баруу боюнча суроолор менен кайрылып жаткан жарандарга жардам берип жатабыз. Каттоо иштери 14 күндөн кийин жыйынтыкталат", — деп айтылат маалыматта.
Муфтият каттоо иштеринин аякташына аз күн калгандыктан сапарга барууну каалагандарды шашылууга чакырат.
