БИШКЕК, 19-фев. — Sputnik. Кыргызстандык балбандар Түркиядагы Vehbi Emre & Hamit Kaplan эл аралык турнирине катышат. Бул тууралуу өлкөнүн Күрөш федерациясы билдирди.
Маалыматка караганда, кыргыз спортчулары 18-февралда машыгууларын Түркиядан улантуу үчүн учуп кетишти. Ал жакта өлкөнүн курама командасынын 17 спортчусу 3-мартка чейин машыгат.
Спортчулар 4-5-мартта грек-рим күрөшү боюнча Түркияда өтө турган Vehbi Emre & Hamit Kaplan аттуу эл аралык турнирде күч сынашат.
