"Слоники" балдар аянтчасынын аймагын курулуш компаниясы тосуп алды

Жазылуу
Кечээ "TS-Group" курулуш компаниясынын кызматкерлери "Слоники" балдар аянтчасына түркүктөрдү орното баштаган.

Жергиликтүү тургундардын үйлөрүнүн жанында футбол талаасы менен "Слоники" деп аталган анча чоң эмес балдар аянтчасы жайгашкан. Андагы жашоочулар дарактардын кыйыла баштаганынан улам, балдар аянтчасынан куру калабызбы деп чочулашууда.

Кечээ "TS-Group" компаниясынын куруучулары котлован каза баштаган. Көп кабаттуу үй спорттук аянтчанын ордуна курулуп калуу ыктымалдыгы активисттердин тынчын кетирүүдө.

Проект реконструкции центрального сквера в городе Каракол - Sputnik Кыргызстан
Француздар Караколдогу скверди оңдоп-түзөөгө 1 млн. доллар жумшоого даяр
"Бишкекбашкыархитектурадан бир өкүл келип спорттук аянттын ордуна үй курууга болбой турганын билдирди. Бирок аны менен компаниянын өкүлдөрү сүйлөшкөндөн кийин жок болуп кетти. Мэриянын маалымат кызматынан дагы өкүлдөр келишип, прокуратура тергөө иштерин жүргүзүп жаткандыгына байланыштуу азырынча курулуш иштерин жүргүзүүгө укуктары жок экенин билдиришти", — деди жергиликтүү тургун Жаркынай Абдувалиева.

Жаркынайдын айтымында, компания жергиликтүү тургундарга 2015-жылы жер аянтын 49 жылга убактылуу алуу боюнча уруксат актысын көрсөткөн.

Курулуш компаниясынын коммерциялык директору Sputnik Кыргызстан агенттигине алардын фирмасы мыйзамдын негизинде иш алып барып жатканын билдирди.

"Пилдер турган жерге үч балдар аянтчасы курулат. Бул жер аянтын ижарага алганбыз. Тастыктоочу документтер бар. 2007-жылдан бери ижара акысы деп ай сайын 50 миң сомдон төлөп келебиз. Андыктан бизге тиешелүү аймакты тосууга акыбыз бар. Азырынча эч нерсе курган жокпуз болгону өзүбүзгө тиешелүү аймакты тосуп койдук", — деди коммерциялык директор Мирлан Рыскулов.

Ал эми калаа мэриясы аталган аймакта курулуш иштерин жүргүзүүгө уруксаттын бар же жогу тууралуу тергөө иштерин жүргүзүп жатканын билдирди. Ошондой эле декабрь айында мыйзамсыз түрдө дарактардын кыйылып кетиши боюнча "Зеленстрой" ишканасынын кызматкерлерине карата кылмыш иши козголгон.

Жаңылыктар түрмөгү
0