БИШКЕК, 15-фев. — Sputnik. Турецкий хору Берлиндин борборунда 7-май күнү 40 миң кишиге концерт берип, II дүйнөлүк согуштун жеңиши тууралуу ырларды аткарышат. Бул тууралуу топтун жетекчиси Михаил Турецкий маалымат жыйында билдиргенин РИА Новости маалымдады.
"Берлиндин борборундагы Жандармерия аянтында 7-май күнү "Жеңиш ыры" аттуу концерт беребиз", — деди Турецкий.
Ал өз сөзүнө мындай акция өткөрүүгө шаар бийлиги уруксат бергинен кошумчалады. Музыканттар жеңишке байланышкан ырларды аткарып, 40 миң киши чогулат деп үмүттөнүп жатат.
Россиялык ырчылар андан сырткары немис тилинде дагы бир нече чыгарма тартуулашат.
Топтун жетекчиси Турецкий хору 12-июнда Кызыл аянтта дагы концерт берерин айтып, учурда Россиянын президентинин администрациясы менен сүйлөшүүлөр жүрүп жатканын кошумчалады.
