БИШКЕК, 10-фев. — Sputnik. Паспортторду шашылыш жасатууга 13-февралдан тарта жаңы баа коюлат. Бул тууралуу Мамлекеттик каттоо кызматынан кабарлашты.
Билдирмеге караганда, мамлекеттик кызматтар үчүн тарифтер Монополияга каршы күрөшүү агенттиги тарабынан бекитилген.
"ID-картаны эки күндө 1107, төрт күндө 1007 жана сегиз күндө 906 сомго жасатууга болот. Ал эми жалпы жарандык паспортту эки күндө 2013, төрт күндө 1762 жана сегиз күндө 1510 сомго жасатууга болот", — деп айтылат маалыматта.
Ошондой эле 13-февралдан тарта Жарандарды каттоо департаментинин кызматтары да жаңы баалар менен жасалат.
- Никени ЗАГС бөлүмдөрүнөн тышкары жакта каттоо — 4387сом;
- Никени Ош шаарындагы Бакыт өргөөсүндө каттоо — 1680 сом;
- Никени Бишкек шаарындагы Бакыт өргөөсүндө каттоо — 2097 сом;
- Никени ЗАГСтын аймактардагы бөлүмдөрүндө каттоо — 556 сом;
- Никени аймактардагы ЗАГС бөлүмдөрүнөн тышкары жакта каттоо — 1265 сом.
