БИШКЕК, 5-фев. — Sputnik. Өзүңүздүн Instagram баракчаңызды Кыргызстан боюнча атактуу кылгыңыз келеби? Анын жол-жобосу тууралуу SMM-компаниясынын директору Светлана Марголис айтып берди.
1. Ачык профиль. Баракчаңыз бардыгына жеткиликтүү болушу керек. Саксынып эле бир нерселерди жашыра бербеңиз. Эл сиздин жеке баракчаңызда эмне болуп жатканы менен кабардар болуп туруусу керек.
2. Кооз сүрөттөр. Досторуңуз менен эс алган учурларыңызда тартылган кооз, көз жоосун алган сүрөттөр менен бөлүшүңүз. Башкы талап — сүрөттөрдүн сапаты мыкты болушу керек. Салган сүрөттөрүңүздүн үстүнө жүрөкчө, же мышыктын сүрөттөрүн жабыштырбаңыз.
3. Эл көп колдонгон хэштег. Башка кишилер көп колдонгон хэштегди колдонуңуз. Бул аракетиңиз башкалардын дагы көңүлүн бурат. Анан #менинжашоомжыргалай деген хэштегдерден оолак болгонуңуз эле оң.
5. Такай сүрөт жарыялап туруу керек. Өзүңүз тууралуу башкаларга 1-2 күн сайын эстетип туруңуз.
6. Сүрөттөргө фильтр колдонуңуз. Сүрөттөрдү тазалап, аларды көркүнө чыгара турчу тиркемелер абдан көп. Мисалы VSCO, Eхpress, Afterlight. Ошол эле учурда артык кылам деп тыртык кылып албай, бардык эле фильтрлер сүрөттү көркүнө чыгара бербестигин да эске алыңыз.
7. Аудитория менен байланыш. Сиздин баракчаңызга жазылган башка колдонуучулардын сүрөттөрүнө лайк басыңыз. Мындай кадамыңыз башкалардын да маанайын көтөрөт.
8. Өтө эле кооздолгон сүрөттөрдөн этият болуңуз. Ал эми жылмайып, кубанып турган учурда тартылган күн сыяктуу жаркыраган сүрөттөрдүн көп болгону жакшы. Себеби, ал кишилердин ууртуна жылмаюу жана кубаныч тартуулайт.
