БИШКЕК, 3-фев. — Sputnik. Индиянын түштүгүндөгү Ченнаи шаарындагы медиктер аялдын башындагы тараканды алып чыгуу үчүн операция жасашты. Бул тууралуу РИА Новости India.com агенттигине шилтеме берүү менен жазып чыкты.
Маалыматка караганда, таракан тирүү чыккан.
42 жаштагы аял түн ортосунда мурду кычышканынан ойгонгон. Дем алуусу кыйындай баштаганда ооруканага кайрылган. Медиктер төртүнчү жолку текшерүүдөн кийин гана аялдын башына курт кирип кеткенин аныкташкан.
Медиктердин айтымында, жарандын мурдуна кирип кеткен таракан баш мээге жакындап калган. Аны алып чыгууга 45 мүнөт кеткен. Операция жасаган дарыгер 30 жылдык тажрыйбасында мындай шумдукту көрбөгөнүн билдирди.
