БИШКЕК, 02-Фев. — Sputnik. Популярдуу Instagram фотосервиси жакынкы аралыкта жаңы функцияны ишке киргизет. Анын жардамы менен колдонуучулар бир эле учурда бир нече сүрөт жүктөөгө мүмкүнчүлүк алышат. Бул тууралуу The Verg интернет басылмасы жазып чыкты.
Маалыматка караганда, жаңы функция тар чөйрөдөгү адамдар тарабынан тестирлөөдөн өткөрүлүп жатат.
@AndroidPolice @droid_life @instagram is testing post multiple photo at one time. V10.7.0 pic.twitter.com/31sdC77klt
— Philip Chang (@m4au312) 1 февраля 2017 г.
Бул система качан ишке кирери азырынча белгисиз.
Instagram — бул бекер интернет тиркемеси. Ал аркылуу сүрөт, видео жүктөп фильтрлерди колдонсо болот. Аталган тиркемедеги сүрөттөрдү башка социалдык тармактарга жайылтууга мүмкүн. Instagram колдонуучулардын саны 2016-жылы 500 миллионго жеткен.
