Саиджан Эратов: Сирияда ИМ террорчуларына кошулган 800 кыргыз жараны бар

Мамлекеттик чек ара кызматынын жетекчи орун басарынын милдетин аткаруучу Саиджан Эратов окуу машыгуу учурунда Сирияда 800гө чукул кыргызстандык жаран ИМ террордук уюмунун согушкерлерине кошулуп кеткенин айтты.

"Улуттук коопсуздук мамлекеттик кызматынын маалыматы боюнча 800дөн ашуун кыргызстандык жаран Сириядагы "Ислам мамлекети" террордук уюмуна кошулуп, согуштук аракеттерге катышууда. Алар Кыргызстанга кайтып келишсе көптөгөн көйгөйлөр жаралат", — деп билдирди Эратов.

Ал бул жаатта биргеликте иш алып барылса Кыргызстанды эч кандай күчтөр коркута албай тургандыгын белгиледи.