Токиодо өтө турган Олимпиадага медалдар эски уюлдук аппараттардан жасалат

© AFP / KAZUHIRO NOGIЛетние олимпийских игр Токио 2020
Летние олимпийских игр Токио 2020 - Sputnik Кыргызстан
Жазылуу
Күн чыгыш өлкөсүнүн бийлиги япондорду эски уюлдук аппараттарын тапшырууга чакырды. Мындай кадам жер планетасынын түгөнүп бараткан ресурстарын үнөмдөөгө жол ачары белгиленүүдө.

БИШКЕК, 2-фев. — Sputnik. Токиодо 2020-жылы өтө турган олимпиадалык жана паралимпиадалык оюндарга карата медалдар кайра иштетилген уюлдук аппараттардан жасалат. Бул тууралуу CNN телеканалы жазып чыкты.

Андагы маалыматка караганда, Япония бийлиги эски уюлдук аппараттар менен электрондук жабдыктардан беш миң медаль жасоо үчүн аларды элден чогултуу боюнча жарыя жасашкан.

Мындай жол менен олипиадалык оюндардын уюштуруучулары алтын, күмүш жана коло медалдарды жасатуу үчүн сегиз тонна металл чогултууну пландап жатышат.

"Биздин планетадагы ресурстар чектелүү. Аларды кайра иштетүү менен айлана-чөйрөнү коргой алабыз", — деп уюштуруу комитетинин директору Кодзи Мурофуши билдирди.

Олимпиада 2016. Вольная борьба. Женщины. Весовая категория до 58кг - Sputnik Кыргызстан
Айсулуу Тыныбекова Россиядагы эл аралык мелдеште алтын тагынды
Телеканал берген маалымат боюнча смартфон менен планшеттерде кымбат баалуу металлдар, анын ичинде платина, палладий, алтын, күмүш, литий, кобальт жана никель бар. Бүгүнкү күндө уюлдук телефон чыгарган ири компаниялар дагы эски аппараттарды кайра иштетүү менен алектенип келишет.

Олимпиадалык оюндар 2020-жылдын 24-июлунан 9-августуна чейин Токиодо өтөт. Ал эми паралимпиадалык оюндар 25-августтан 6-сентябрга чейин созулат.

Жаңылыктар түрмөгү
0