БИШКЕК 2-фев. — Sputnik. 17 жаштагы бала Москва шаардык полицияда тартип сакчыларын алдап, жаш курагын жашырып иштеп жүргөн. Бул туурасында РИА Новости жазды.
Жалпыга маалымдоо каражаттарынын жазганына караганда, бала полициянын ишенимине алардын кызматтык чаты аркылуу кирген. Ал ага лейтенанттын формасын кийип алып, ар кыл операцияларга катышып жүргөн. Ал эми жанындагылар эч нерседен шектенген эмес.
Полиция кызматкерлери LIFE.ru порталына жаш курагы боюнча улуураак көрүнгөндүктөн, эч кандай шектенген ой жаралбагандыгын айтып беришкен. Анысы аз келгенсип, "кесиптештерине" иш боюнча кээде кеңештерди берип да жүргөн. Ийгиликсиз болгон операциялардан кийин анын ким экендигин билинип калган. "Жалган полиция" бул кылыктары үчүн "кесиптештеринен" кечирим сураган.
Маалыматтарда полициянын формасын мыйзамсыз кийип жүргөндүгү үчүн баланы беш күнгө камакка алышкан.
