БИШКЕК, 2-фев. — Sputnik. Эстониянын президенти Керсти Кальюлайд банк картасынан акча алдырып жибергенин Postimees гезитине таянуу менен РИА Новости жазып чыкты.
Маалыматка ылайык, белгисиз адам президент айымдын картасындагы реквизиттерди колдонгон.
"Шылуун Американын дүкөндөрүнүн биринен 2,8 миң еврого соода кылган", — деп айтылат билдирүүдө.
Президенттин канцеляриясы бул кабарга өз убагында көңүл буруп, банктын чыныгы ээси ал учурда Эстонияда жүргөнүн далилдеп беришкен. Териштирүүдөн кийин картадан алынган акча кайра калыбына келтирилген.
