БИШКЕК, 28-янв. — Sputnik. Кыргызстандын Россиядагы элчилиги, консулдуктар жана диаспора өкүлдөрүнүн катышуусу менен Пискарев мемориалдык-көрүстөнүндө Ленинград шаарын коргоп каза болгондорду эскерүү зыйнаты өттү. Бул тууралуу элчиликтен билдиришти.
Маалыматка ылайык, иш-чара Ленинград шаарын фашисттерден толугу менен бошотулгандыгынын 73 жылдыгына карата өткөрүлгөн.
Анда душмандар менен салгылашып каза болгон жоокерлердин эстелигине гүлчамбар коюлду. Ага жергиликтүү бийлик өкүлдөрү, аскер жетекчилери жана элчиликтин кызматкерлери дагы катышкан.
