БИШКЕК, 27-янв. — Sputnik. Гамбиялык качкын Венециядагы каналга чөгүп бара жатканда туристтер аны келекелеп телефонго тартып турган окуя боюнча иликтөө иштери башталды. Бул туурасында РИА Новости Independent гезитине шилтеме кылып жазды.
22 жаштагы гамбиялык качкын Патех Сабалли жээкте карап тургандар шылдыңдап, келекелеп каткырып карап турган учурда ал каналдын ортосунда калкып турууга аракет кылган.
A migrant drowned in Venice's Grand Canal while an onlooker apparently shouted taunts. pic.twitter.com/M1gAfqZVUa
— AJ+ (@ajplus) 26 января 2017 г.
Тартылган видеолордун биринде жээктегилердин биринин "Үйүңө кетпейсиңби, бол жөнө, эми!" деп кыйкырган үнү угулуп калган.
Италиялык жергиликтүү куткаруучулар ассоциациясынын жетекчиси Дино Бассо эч кимди коргогусу келбегендигин, бирок, ал учурда жигитти сактап калууга болмоктугун айткан.
