БИШКЕК, 27-янв. — Sputnik. Чет өлкөлүк интернет аукциондордо кыргыз тыйындары кымбат баада сатылып жатат.
Россиянын "Мешок" сайтында 1993-жылы чыккан 1 тыйын 15 рублден (17,4 сом), 10 тыйын 17 рублден (19,7 сом), 50 тыйын 35 рублден (40,6 сом) сатылууда. Ал эми казакстандык agora.kz сайтында болсо 1 тыйын 250 тенге (52,5 сом), 10 тыйын менен 50 тыйын 700 тенге же 150 сомдон сатылууда.
Белгилей кетсек, кагаз түрүндөгү 1, 10 жана 50 тыйындар 2008-жылга чейин чыгарылып, андан соң темир тыйындарга алмаштырылган.
