БИШКЕК, 26-янв. — Sputnik. Кувейт бийлиги беш чет элдик жаранды, кувейттик бир аялды жана башкаруучу ас-Сабах тукумунун мүчөсүн өлүм жазасына тарткандыгын РИА Новости KUNA улуттук агенттигине шилтеме кылып жазды.
ЖМКга жарыяланган маалыматтарга караганда, шейх Фейсал Абдалла аль-Джабер ас-Сабах 2010-жылы адам өлтүргөндүгү үчүн аны өлүм жазасына тартуу өкүмү чыккан.
Ал эми беш чет элдиктин экөө египеттик болсо калгандары Филиппин, Эфиопия жана Бангладештин жарандары болгон.
Франс Пресс агенттиги билдиргендей, өлүм жазасына тартылган кувейттик келин Нусра аль-Анази 2009-жылы үйлөнүү тоюнда күйөөсүн өрттөп жиберген. Каргашалуу окуянын айынан 57 адам курман болуп, алардын арасында балдар дагы болгон.
Ал эми ас-Сабах тукуму Кувейтти XVIII кылымдын орто ченинен тарта шейхтер катары башкарып келсе, 1961-жылдан бери эмир катары башкарышат.
Кувейтте өлүм жазасына тартылгандар дарга асуу жолу менен өлтүрүлөт.
