Максат Атабаев: зыяратчылар мобилдик тиркеме менен өзүн тизмеден тактай алат
Кыргызстан мусулмандар дин башкармалыгынын маалымат катчысы Максат Атабаевдин айтымында, быйылкы ажылык сапар боюнча жарандарды маалымат менен камсыз кылуу үчүн атайын мобилдик тиркеме иштелип жатат.
"Ажылык сапарга даярдануунун алкачкы аракеттери башталды. Муфтият зыяратчыларды Сауд Аравияга жеткирүү үчүн жергиликтүү жана чет элдик авиакомпаниялар ортосунда сынак жарыялады. Андан сырткары, учурда "Ажылык-2017" атайын мобилдик тиркемеси иштелип жатат. Анын жардамы менен жарандар быйылкы сапарга байланыштуу бардык маалыматарды ала алышат", — деди Атабаев.
Эске сала кетсек, өткөн жылы бөлүнгөн квотанын негизинде 3685 кыргызстандык ажылык милдетин аткарган.
