БИШКЕК, 24-янв. — Sputnik. Ош облусунун Кара-Суу районунун тургуну "Хизб ут-Тахрир" уюмуна мүчө делип шектелип кармалганын Улуттук коопсуздук боюнча мамлекеттик комитеттин маалымат кызматы билдирди.
Шектүү 33 жаштагы жаран 19-январда кармалган. Анын жашаган жерин тинтүү учурунда Кыргызстандын конституциялык түзүмүн бузууга чакырган DVD-дисктер табылган. Теологиялык экспертиза алынган дисктерде экстремисттик чакыруулар бар экенин далилдешкен.
Ал боюнча Кылмыш жаза кодексинин 299-беренеси (Улуттар, раса, дин жана аймактар аралык кастыкты козутуу) боюнча кылмыш иши козголду. Кармалган жаран УКМКнын убактылуу кармоо жайына камакка алынды.
УКМКнын маалымат кызматы билдиргендей, өкмөттүк эмес уюм тургундун жашаган жерин тинтүүгө тоскоолдук кылып, чыр чыгарууга аракет кылган.
