Дастан Бекешев: жаныбарларды коргогон департамент түзүү зарыл
Кыргызстанда жаныбарларды коргогон департамент түзүү керек. Бул тууралуу Sputnik Кыргызстан агенттигине КСДП фракциясынын депутаты Дастан Бекешев билдирди.
"Аңчылык департаментин жоюу демилгеси туура. Ачык эле айтышыбыз керек. Биз экологияны карайбыз десек, жаныбарларды коргогон департамент керек. Учурда аңчылык боюнча департамент бар да, жаныбарларды коргогон департамент жок. Биз акчага эле көңүл бөлүп жатабыз. Лицензия сатып акча табабыз, болгону ошол. Анткен туура эмес", — деди Бекешев.
Белгилей кетсек, аталган маселе бүгүн Жогорку Кеңеште каралып, депутат Максат Сабиров аталган департаментти жоюу сунушун айткан.
