Дача айылынын тургуну Усенова: бизди мыйзамсыз жашайт деп каралашпасын
Бул айылда 14 жылдан бери жашаган Айнагүл Усенова бийлик адамдары Дача айылында туруктуу жашоо мыйзамсыз деп айтып жаткандарына нааразы экенин билдирди.
"Менин үйүмдүн кызыл китеби бар, аны банктарга күрөөгө коюп, насыя алып жүрөм. Бирок, айылыбыздын макамын чечип бербегендиктен, эч кимибиздин каттообуз жок. Шайлоо алдында келген аткаминерлер "мени шайласаңар жарым жыл ичинде айылыңарга статус алып берем" дейт дагы, өтүп кенденден кийин унутуп калат", — деди Усенова.
Анын айтымында, өкмөт жер бөлүп берип, алгачкы жардамдарын кылса айыл тургундары бул жерден көчүп кетүүгө каршы эмес.
