Жылдыз Айгерчинова: Дача айылында мобилдик клиника иштеп жатат
Авиакырсык катталган Дача айылында мобилдик клиника иштеп жатканын Sputnik Кыргызстан агенттигине Саламаттык сактоо министрлигинин маалымат катчысы Жылдыз Айгерчинова билдирди.
Анын айтымында, аймакта кардиолог, реаниматолог жана үй-бүлөлүк дарыгерлер тобунун адистери нөөмөттө турат.
"Жалпы жонунан дарыгерлерге 60 киши кайрылган, анын 20сы — жаш балдар. Арасында сасык тумоого кабылгандар, бронхит менен ооругандар бар", — деди Айгерчинова.
Эскерте кетсек, 16-январь күнү таң эрте Гонконгдон Стамбулду көздөй келе жатып, Бишкектен май куюу үчүн "Манас" аэропортуна токтомок болгон Boeing-747 учагы Дача айылынын үстүнө кулаган. Кырсыктан акыркы маалыматтар боюнча 38 кишинин көз жумганы такталды.
