БИШКЕК, 17-янв. — Sputnik. Дүйнөдөгү эң таасирлүү паспорттор рейтинги боюнча Кыргызстандын паспорту 66-орунга татыктуу болду.
Маалыматка ылайык, кыргыз паспорту 58 баллга ээ болгон. Упайлар мамлекет канча өлкө менен визасыз режимге келишим түзгөндүгү боюнча аныкталат.
Анализдер БУУнун тараткан расмий маалыматтарынан алынып, ага 193 өлкө кирген.
Рейтингдин сап башына Германия, Швеция жана Сингапур чыккан. Алардын паспорттору 156 өлкөгө визасыз барууга мүмкүнчүлүк берет.
Паспорт рейтинги (Passport Index) — бул кайсы мамлекеттердин паспорттору башка өлкөлөргө визасыз барууга мүмкүнчүлүк берерин аныктай турган интерактивдүү программа.
