БИШКЕК, 16-янв. — Sputnik. Өкмөттө учак кулаган Дача айылын башка жакка көчүрүү маселеси каралып жатканын биринчи вице-премьер Мухамметкалый Абулгазиев журналисттерге билдирди.
"Көчүрүү маселеси кырсыкты иликтөөнүн жыйынтыгы менен чечилет", — деди ал.
Биринчи вице-премьер аталган жер тилкелери өз кезегинде элге убактылуу пайдаланууга берилгенин белгиледи.
"Бур жерде туруктуу жашоо тууралуу сөз да болушу мүмкүн эмес", — деди Абулгазиев.
Эске салсак, 16-январда саат 7.30дар чамасында Гонконг — Стамбул каттамы менен учкан MyCargo Airlines авиакомпаниясына таандык Boeing-747-400F учагы "Манас" аэропортуна жакын жердеги Дача айылына кулап түшкөн. Анын кесепетинен 32 киши каза болуп, 23 үй бузулган.
