БИШКЕК, 6-янв. — Sputnik. Кыргызстандын футбол боюнча курама командасы Азия кубогү үчүн тандоо турунда кимдер менен ойлой тургандыгы 23-январда белгилүү болот. Бул тууралуу өлкөнүн Футбол федерациясынын маалымат кызматы кабарлады.
Азия Кубогу-2019 оюндарынын финалдык бөлүгүндө кездешүү үчүн 20дан ашык команда ат салышат.
"Акыркы расмий маалымат боюнча чучу кулак кармоо 23-январда Абу-Даби шаарында өтөт", — деп айтылат билдирүүдө.
Чучу кулактын жыйынтыгына ылайык, тандоо турунда төрт командадан турган алты тайпа түзүлөт. Ал тайпалык оюндардын соңунда ар бир топтон экиден команда мелдештин финалдык бөлүгүнө өтөт.
Ар бир команда өз үйүндө үч жана чет жакта үч беттешке катышат. Ал оюндардын бешөө быйылкы жылы уюштурулат. Акыркы беттеш 2018-жылы өтсө, финалдык оюн 2019-жылы Бириккен Араб Эмираттарында болот.
